Sa është real paralajmërimi për rritje të vlerës së Bitcon-it

@pixabay

Tashë dihet se Bitcoini ka shënuar rritje dhe rënie në vlerën e tij, në përmasa të paparashikuara, duke i habitur të gjithë ata që kanë përcjellë vlerën e tij që nga lindja e kësak kriptovalute.

Por se vlera e kriptovalutës më të popullarizuar në botë mund të dyfishohet, e paralajmëron Bob Ras, që është bashkëthemelues i kompanisë Sologenic, përcjell albinfo.ch.

Sipas Ras, në arsye e rritjes do të jetë procesi i përgjysmimit, i cili ka për qëllim shkurtimin e ofertës, duke shkaktuar rritjen e çmimeve.

“Kur të fillojë përgjysmimi i Bitcoinit, ka të ngjarë të jemi në rrugë të mirë për të arritur nivelin më të lartë të të gjitha kohëve”, thotë Ras.

Kjo do të thotë që Bitcoin kalon nivelin e 67 mijë dollarëve të arritur në nëntor 2021, nga rreth 28 mijë dollarë që është tani.

Rezerva Federale rriti normat për të dhjetën herë radhazi, por Wall Street pret gjerësisht që kjo të jetë rritja e fundit e këtij cikli shtrëngues.

Treguesit teknikë sugjerojnë rritje të Bitcoinit në pjesën tjetër të vitit.

Standard Chartered publikoi një raport që thoshte se Bitcoin mund të rritet në 100 mijë dollarë nga mesi i vitit të ardhshëm dhe Matrixport parashikoi që kjo kriptovalutë mund të arrij në 65 mijë dollarë deri në prillin 2024.