Vetëm Ibra ka një “Porshe” në gjithë Suedinë

Derisa futbollistët më të mirë në botë përgatiten për Kupën e Botës në Brazil, Zlatan Ibrahimovic po kënaqet me modelin e fundit "Porsche", në vlerë 620 mijë €

Krejtësisht e zezë, “918 Spider” është i veçantë jo vetëm për shkak të ngjyrës dhe çmimit, por edhe për faktin se në tërë botën janë prodhuar vetëm 918 automjete të tilla luksoze. Ibra tani është i vetmi në Suedi që e posedon një të tillë.

Edhe pse duket jashtëzakonisht e shtrenjtë, megjithatë është shumë pak për Ibrahimoviçin, nagse ai fiton 15 milionë € në vit, që do të thotë se për këtë “Porsche” ka për të punuar më shumë se një muaj.

Nuk është sekret që super yjet e futbollit i kanë në qejf makinat e shtrenjta. Kështu që Zlatan në koleksionin e veturave  të tij ka pasur “Ferrari Enzo”, “Lamborghini Galjardo”, “Audi S8” dhe “Maserati Grand Turismo”.

Edhe futbollistët shqiptarë të Përfaqësueses së Zvicrës kanë treguar se dinë të harxhojnë sa u përket veturave luksoze.
Valon Behrami, Xherdan Shaqiri e Granit Xhaka janë parë me makina superluksoze në grumbullimin e ‘helvetikëve’ para Kampionatit Botëror në Brazil.
Behrami shkoi me makinën e tij Ferrari 458 Italia, Graniti me Audo R8, teksa edhe Xherdani ishte me Audi, të cilën e fitoi nga klubi i tij, Bayern Munich, falë marrëveshjes me këtë kompani automobilash.

Veturat më të shtrenjta të futbollistëve:
1. Cristiano Ronaldo ka “Bugatti Veyron”  900 mijë euro;
2. Zlatan Ibrahimovic ka “Porsche 918 Spider”  620 mijë euro;
3. El Hadji Diouf ka “Mercedes McLaren”  520 mijë euro;
4. David Beckham ka një “Rolls Royce”  432 mijë euro;
5. Obafemi Martins ka një “Lamborghini”  310 mijë euro.