Veseli e siguron ambasadorin amerikan për Specialen

“Kosova do t’u qëndrojë obligimeve të veta ndërkombëtare deri në fund, përfshirë Dhomat e Specializuara”, ka thënë Veseli

Kryetari i Kuvendit dhe i PDK-së, Kadri Veseli, duket se e ka ndarë mendjen për sa i përket Gjykatës së Specializuar. Pas shkrimit autorial, ai qëndrimin pro e ka konfirmuar edhe në takimin që e ka pasur me ambasadorin amerikan në Prishtinë.

“Kosova do t’u qëndrojë obligimeve të veta ndërkombëtare deri në fund, përfshirë Dhomat e Specializuara”, ka thënë Veseli në takim, ku kanë biseduar për zhvillimet e fundit në Kosovë dhe agjendën e Kuvendit për vitin 2018.

Sipas njoftimit të Kuvendit, në takimin e Veselit dhe Ambasadorit Delawie është theksuar nevoja e qëndrimit të përbashkët për çështjet me interes nacional.