Vendet evropiame me internetin më të shpejtë 

@pixabay

Sondazhi i bërë nga faqja britanike Cable ka trajtuar pikërisht këtë temë dhe rezultatet janë publikuar nga portali “ Landgeist ”.

Kur bëhet fjalë për vendet e Gadishullit Ballkanik, me shpejtësi lidhjeje interneti prej 97.9 Mbps, Maqedonia është në vendin e parë.

Maqedonia është përpara Sllovenisë (97 Mbps), Serbisë (60.5 Mbps), Greqisë (53.9 Mbps), Malit të Zi (49.5 Mbps), Bosnje dhe Hercegovinës (44 Mbps) dhe Bullgarisë (40 Mbps).

Interneti më i shpejtë në Evropë është në ishullin Jersey (264 Mbps), i cili ndodhet midis Britanisë së Madhe dhe Francës, në Lihtenshtajn (246.8 Mbps) dhe në Islandë (229.4 Mbps).

Në Francë shpejtësia e internetit është 152.5 Mbps, në Holandë 142.5 Mbps, në Spanjë 133.3 Mbps dhe në Gjermani 81.7 Mbps.

Interneti më i ngadalshëm në Evropë është në Kroaci 25.7 Mbps, Shqipëri 25.4 Mbps dhe Turqi 24.8 Mbps.

Të dhënat bazohen në një analizë të më shumë se 1.5 miliardë testeve të shpejtësisë së brezit të gjerë në 229 vende gjatë 12 muajve që përfundojnë më 30 qershor të këtij viti.