Vdes një person në një aksident në Rrugën e Kombit

Një person ka vdekur në një aksident trafiku në Rrugën e Kombit.

Ngjarja ka ndodhur në afërsi të fshatit Kolsh, tri kilometra para vendit të quajtur Ura e Kukësit, ku një kamion që po transportonte fidanë humbi kontrollin, duke u përplasur me barrierat për të kaluar në korsinë e kundërt, duke u përmbysur.

Në vendngjarje kanë mbërritur edhe shërbimet zjarrfikëse për të nxjerrë drejtuesin e mjetit, ndërsa është bllokuar qarkullimi Kukës-Tiranë për shkak të aksidentit për një kohë, përcjell albinfo.ch.