Vazhdojnë pritjet për mërgimtarët në Merdar dhe tek Dheu i Bardhë

Shumë mërgimtarë zgjedhin të udhëtojnë me vetura për t’i kaluar pushimet në Kosovë e kjo po u kushton atyre me pritjet në pika kufitare.

Edhe sot gjatë ditës dhe në mbrëmje po vazhdojnë trendi i pritjeve të gjata, përcjell albinfo.ch.

Në pikëkalimin kufitar te Dheu i Bardhë, pritjet në hyrje për në Kosovë, sipas qendrës kombëtare për menaxhim kufitar, janë deri në tri orë, ndërsa në dalje deri në 30 minuta.

Ndërsa në pikëkalimin kufitar në Merdar, pritjet në hyrje janë deri mbi një orë, ndërsa në dalje prej Kosovës ka kolon të gjatë mbi 1 mijë metra e pritjet janë deri në 3 orë e 30 minuta.

Pritjet në hyrje për në Kosovë deri në një orë, janë edhe në pikëkalimet e tjera në Mutivodë dhe Muçibabë.