Vaksina Sputnik V, 91.6% efekt kundër Covidit simptomatik

Keystone EPA/MINZDRAV / HANDOUT HANDOUT EDITORIAL USE ONLY/NO SALES

Vaksina Sputnik V e Rusisë ka 91.6% efekt kundër koronavirusit simptomatik, kanë sugjeruar rezultatet e provës së ndërmjetme. Gjetjet paraprake bazohen në analizën e të dhënave nga më shumë se 20,000 persona, kryesisht të rritur, tre të katërtat e të cilëve morën vaksinën, shkruan “The Guardian”, përcjell albinfo.ch.

Asnjë pasojë e rëndë anësore nuk u konsiderua lidhur me vaksinimin dhe shumica e efekteve anësore të raportuara ishin të lehta, duke përfshirë simptoma të ngjashme me gripin, dhimbje në vendin e injektimit dhe dobësi ose energji të ulët, shkruajnë studiuesit në revistën The Lancet.

Kjo është vaksina e katërt – pas atyre të bëra nga Pfizer / BioNTech, Moderna dhe AstraZeneca / Oxford – për të cilat të dhënat e provës së fazës 3 janë botuar në një revistë mjekësore. Vaksina, e cila mbështetet nga Fondi Rus i Investimeve Direkte (RDIF), administrohet në dy injeksione me largësi prej 21 ditësh. Prova përfshiu 2,144 pjesëmarrës të moshës 60 vjeç e lart; në këtë nëngrup vaksina kishte efikasitet prej 91.8% kundër sëmundjes simptomatike, përcjell tutje albinfo.ch.