Gruaja
Mësues, urime 7 Marsin, Ditën Tuaj të Shenjtë!
Arsen Shoshi, drejtor për Investime në Benedict Education Group, një shkollë me renome ndërkombëtare në 80 shtete të botës, uron Ditën e Mësuesit, 7 Marsin
Duke kujtuar këtë ditë, ne pa dyshim kujtojmë një nga ditët më të shënuara dhe më të rëndësishme në historinë e popullit shqiptar. Misioni i mësuesit shqiptar u shndërrua në mision të shenjtë, duke ia atribuar krejt çështjen arsimimit, edukimit dhe ngritjes së vetëdijes kombëtare. Pa mësuesin nuk do të ishim sot këtu ku jemi si komb, nuk do të kishim një zhvillim të tillë dhe nuk do të kishim premisa për një të ardhme të ndritur.
Mësuesi shqiptar i dha vlerën jetës dhe të ardhmes tonë, ai e ngriti shoqërinë tonë duke e hequr nga errësira shekullore, ku armiq të shumtë e penguan qëllimin e mësuesit shqiptar. Mësuesit tanë punuan në kushte të dhunës, duke mos u paguar për asnjë qindarkë, duke e rrezikuar edhe jetën e tyre, duke e mbajtur gjallë arsimin edhe në shtëpi shkolla, vetëm e vetëm për të frymuar dhe edukuar në gjuhën shqipe.
Këtu, vlen të ceket edhe herioizmi i tyre që bënë në periudha të ndryshme historike, duke u flijuar në krye të detyrës, duke rënë dëshmorë në mbrojtje të shkollës shqipe, kishte shumë të tillë, por me këtë rast do të veçoj mësuesin Halit Geci, i cili duke zhvilluar orën e mësimit në gjuhën shqipe vritet në klasë nga policia dhe ushtria serbe, si dhe mësuesin Shaban Jashari, i cili u mbajti mësim edhe nipërve të tij se si duhet luftuar për lirinë dhe kombin shqiptar, duke rënë dëshmor në Ditën e Mësuesit, më 7 Mars 1998.
Me fanatizëm e mbajnë gjallë arsimin shqip në diasporë edhe shumë mësues, të cilët për më shumë se tri dekada angazhohen që nxënësit shqiptarë në mërgatë të mësojnë gjuhën shqipe. Arsimi shqip në diasporë është vlerë e jona kombëtare dhe ajo duhet kultivuar.
Mësues, puna juaj është e çmuar, ajo ka vlerë të veçantë, ju asnjëherë nuk shpaguheni për kontributin tuaj!
Vepra juaj është fisnike, ajo ngjall dashuri për dije, ajo mbjell dritë për kombin, ajo nxjerr nga errësira dhe zhvillon popullin.
Urime dhe gëzuar 7 Marsi, Dita e Mësuesit!
(Autori është, drejtor për Investime në Benedict Education Group, një shkollë me renome ndërkombëtare në 80 shtete të botës)
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?