Universitetet e Zvicrës mund ta kufizojnë numrin e studentëve të huaj

Nëse numri i studentëve është i lartë, shkollat e larta zvicerane do të mund ta kufizojnë numrin e studentëve të huaj

Sipas një konkluzioni të konferencës së rektorëve të Universiteteve zvicerane, përpos futjes së kuotave për studentë të huaj, do të mund të autorizohen po ashtu edhe taksa më të larta për këta studentë, njofton agjencia zvicerane e lajmeve.

Sipas këtij dokumenti, kuotat për studentë të huaj nuk i dhunojnë marrëveshjet ndërkombëtare apo bilaterale dhe se Universitetet nuk janë të obliguara të shkollojnë studentë të huaj me tarifa që janë nën kostot efektive.

Mirëpo, konferenca e rektorëve nuk ka dhënë kurrfarë udhëzimi për shtrëngimin e kushteve të regjistrimit. Tani për tani vetëm Shkolla e Lartë e St Gall-enit ka praktikuar kuotën 25% për studentë të huaj.