Triumf i jashtëzakonshëm i vëllezërve Seferi

Dy vëllezërit Seferi, Nuriu dhe Seferiu kanë shënuar fitore të rëndësishme, duke fituar me nokaut

Dy vëllezërit shqiptarë Seferi kanë triumfuar sonte. Nuri Seferi ka shënuar fitore kundër Laszlo Hubert, shkruan albinfo.ch.

Seferi ka triumfuar ndaj boksierit nga Hungaria, duke e nokautuar në raundin e katërt. Boksieri shqiptar ishte më i mirë në ring gjatë katër rundeve.

Seferi regjistron fitoren e 46 në karrierë dhe të 22 me nokaut. Fitoren Seferi ia ka dedikuar Ramush Haradinajt.

Ndërkohë, vëllai i tij, Sefer Seferi e ka shënuar fitoren e 22-të në boksin profesionist.

Boksieri shqiptar ka mposhtur me nokaut brazilianin Marcelo Ferreira Dos Santos. Në mbështetje të madhe të tifozëve shqiptarë, Sefer Seferi e ka hedhur në dysheme boksierin brazilian në raundin e pestë.

---