Tri fluturime nga ANP zhvendosen në Tiranë

Tri fluturime për në Aeroportin Ndërkombëtar të Prishtinës “Adem Jashari” nuk kanë mundur të aterojnë për shkak të kushteve atmosferike.

Këtë për Klankosova.tv e ka konfirmuar zëdhënësja e aeroportit, Valentina Gara, e cila theksoi se tri fluturimet janë zhvendosur për në Tiranë.

“Ju informojmë se 3 fluturime të planifikuara të aterojnë në ANP ‘Adem Jashari’ nuk kanë mundur të aterojnë për shkak të kushteve atmosferike dhe janë divertuar në Tiranë”, ka thënë Gara për Klankosova.tv, përcjell albinfo.ch.