Tirana nderon me “çelësin e qytetit” kompozitorin Cocciante

“Ndihem si njëri prej jush. Falë këtij çelësi, tashmë ndihem si pjesë e këtij vendi dhe kjo më jep shumë kënaqësi. Faleminderit për miqësinë tuaj”, ka thënë ai

Bashkia e Tiranës i ka dhuruar në shenjë mirënjohje, “çelësin e qytetit” kompozitorit të mirënjohur italian, Ricardo Cocciante. Pasi mori çmimin nga kryetari Erion Veliaj, kompozitori italian u shpreh i surprizuar me ndryshimin rrënjësor që ka pësuar Tirana.

“Ndihem si njëri prej jush. Falë këtij çelësi, tashmë ndihem si pjesë e këtij vendi dhe kjo më jep shumë kënaqësi. Faleminderit për miqësinë tuaj”, ka thënë ai.

Ndërsa kryebashkiaku Veliaj tha se çelësi i qytetit të Tiranës po i jepet atij për kontribut që ka dhënë për gjeneratat që përfaqësonte Cocciante.

Nga ana tjetër, këngëtarja Elhaida Dani u shpreh e lumtur që do të performojë me Cocciante-n. Kompozitori italian, Riccardo Cocciante, së bashku me këngëtaren shqiptare, Elhaida Dani, do të këndojnë në skenën e Festivalit të 56-të të këngës në RTSH.