Tetë të lënduar nga skijimi në fundjavë në Brezovicë

Shoqata e Kosovës për Kërkim dhe Shpëtim

Qendra e skijimit në Brezovicë ka qenë e populluar në fundjavë. Megjithatë nuk kanë munguar as lëndimet e qytetarëve.

Nga Shoqata e Kosovës për Kërkim dhe Shpëtim kanë njoftuar se u kanë dhënë ndihmë qytetarëve që janë lënduar gjatë skijimit në këtë qendër.

“Sot në qendrën e skijimit në Brezovicë ekipet tona u kanë dalë në ndihmë qytetarëve, të cilët kishin nevojë pas lëndimeve të pësuara gjatë skijimit si thyerje të gjymtyrëve, lëndime të gjurit dhe alkoolit të tepruar. Gjithsej sot kemi ndërhyrë në 6 raste me 8 të lënduar”, shkruan Shoqata e Kosovës për Kërkim dhe Shpëtim.