Tërmeti i fuqishëm i Turqisë u ndie deri në Groenlandë

Keystone (DIA Images via AP)

Lëkundjet e tërmetit të fuqishëm që goditi Turqinë Jugore dhe Siri, duke vrarë më shumë se 1 200 persona në të dy vendet, u ndien deri në Groenlandë, njoftoi të hënën Instituti Gjeologjik Danez (IGD).

”Tërmetet në Turqi janë regjistruar qartë edhe nga sizmografët në Danimarkë dhe Groenlandë”, tha sizmologu Tine Larsen.

Shumë vende kanë ofruar ndihmë, ndërsa numri i të vdekurve rritet dhe shkalla e dëmit po bëhet më e qartë, transmeton afp, përcjell albinfo.ch.

”Mëngjesin e sotëm na ka tronditur katastrofa më e madhe që nga tërmeti i vitit 1939 në Erzincan. Institucionet shtetërore me të gjitha shërbimet janë mobilizuar në rajonin e prekur nga tërmeti. Nga tërmeti kanë humbur jetën 912 persona, ndërsa 5 385 janë plagosur”, deklaroi presidenti turk, Recep Tayyip Erdogan.