A do të bëhet sot dekretimi i gjyqtarëve dhe i prokurorëve serbë

Pasi refuzuan të betoheshin javën e kaluar para presidentit të Kosovës, Hashim Thaçi, një gjë të tillë pritet ta bëjnë sot, kur edhe pritet të bëhet dekretimi i 42 gjyqtarëve dhe i 14 prokurorëve serbë.

Sipas Presidencës, dekretimi i tyre është edhe një nga masat afirmative, të cilat institucionet e Kosovës i ndërmarrin për të arritur një barazi të plotë dhe efektive të pjesëtarëve të komuniteteve në të gjitha fushat e jetës, ekonomike, shoqërore, politike dhe kulturore.

Me aktin e betimit bëhet edhe zbatimi i plotë i Marrëveshjes për Drejtësi të arritur në Bruksel, më 10 shkurt të vitit 2015, transmeton albinfo.ch.

Për dështimin e herës së parë Presidenca fajin ia pati lënë Bashkimin Evropian si ndërmjetësuese në dialog.