Taulant Xhaka mund të transferohet në Premierligë

Skuadra e West Hamit ka shprehur interesim për Taulant Xhakën dhe janë të gatshëm të ofrojnë 10 milionë funte për shërbimet e tij

Mesfushori i Kombëtares së Shqipërisë, Taulant Xhaka po kalon pushimet në Londër pranë vëllait të vogël Granitit. Por, edhe Taulanti mund të bëhet pjesë e kampionatit anglez, shkruan albinfo.ch.

Është skuadra e madhe angleze, West Ham United që po kërkon transferimin e Xhakës në Ishull. Mediat zvicerane kanë shkruar se West Ham është e gatshme të dalë me një ofertë serioze në drejtim të Baselit për Xhakën.

West Ham ofron rreth 10 milionë funte për ta bërë të vetin përfaqësuesin shqiptar. Sigurisht që 25-vjeçari do ta priste mirë një transferim në Londër pasi do të ishte afër vëllait të tij të vogël, Granitit.

Ditë më parë disa skuadra evropiane shprehën interesin për mesfushorin shqiptar, i cili po kërkohet nga disa skuadra të mëdha evropiane dhe e ardhmja e tij pritet të jetë larg Baselit.