Lajme

Sot në Kosovë mot me shi, i shoqëruar me fjolla bore

E diel, 27 Nëntor 2022 - 8:30 albinfo.ch

Gjatë ditës së sotme në Kosovë parashihet të bie borë në viset e larta malore, ndërsa në viset e ulëta reshje shiu të shoqëruara me fjolla bore.

Instituti Hidrometeorologjik i Kosovës ka njoftuar se shtresa të borës parashihen vetëm në viset e larta.

“Do të mbajë mot kryesisht i vranët. Të dielën parashihet të bie borë në viset e larta malore, ndërsa në viset e ulëta reshje shiu të shoqëruara me fjolla bore. Shtresa të borës parashihen vetëm në viset e larta. Temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të lëvizin ndërmjet 3-7 gradë Celsius”, thuhet në njoftim.

IHK-ja ka bërë të ditur se do të fryjë erë kryesisht nga verilindja me shpejtësi 1-6 m/s.