Shumë shpejt nënshkruhet marrëveshja për pensionet me Zvicrën

Ministri i Punës dhe Mirëqenies Sociale të Kosovës, Skënder Reçica në emisionin “Zyra e Ankesave” në RTV Dukagjini ka folur për pensionet e qytetarëve të Kosovës që kanë punuar në shtetet evropiane.

Ai tha se negociatat sa i përket pensioneve me shtetin e Zvicrës kanë përfunduar, vetëm pritet sipas tij, nënshkrimi i marrëveshjes së arritur me këtë shtet, përcjell albinfo.ch.

“Këta muaj të fundit e vetmja gjë që kemi diskutuar është koha për nënshkrimin. Nga fundi i muajit mars presim caktimin e një datë të saktë për nënshkrimin e kësaj marrëveshje”, ka thënë Reçica.

Po ashtu ai tha se kanë filluar me procedura administrative edhe me disa shtete tjera për të njohur pensionet e shqiptarëve që kanë punuar në këto shtete, dhe sigurisht numri i tyre është i madh.