Shtohet numri i plaçkitjeve të shtëpive në Zvicër

Në qytetet si Cyrihu ose Gjeneva, gjendja paraqitet dukshëm mbi mesataren. Atje, gjatë vitit 2009 është plaçkitur çdo e 27-a shtëpi

Një studim mbi numrin e vjedhjeve në pasuritë private, i cili ka përfshirë Zvicrën, Gjermaninë dhe Austrinë ka ardhur në përfundime interesante që flasin rreth shkallës së sigurisë të qyteteve të caktuara.

Çdo e 157-a shtëpi në qytetet me më shumë se 100 mijë banorë të shteteve të përmendura është plaçkitur njëherë gjatë vitit 2009. Ndërkaq në qytetet si Cyrihu ose Gjeneva, kjo gjendje paraqitet dukshëm mbi mesataren. Në qytetet në fjalë është plaçkitur çdo e 27-a shtëpi.

Gjithsej, në 93 qytetet më të mëdha të Gjermanisë, Zvicrës dhe Austrisë gjatë vitit 2009 sipas këtij studimi, janë shënuar 89.605 plaçkitje nëpër shtëpitë ose banesat private.

Kjo paraqet një rritje prej 7.4% në krahasim me një vit më parë, shkruan 20minuten.ch

Sipas studimit, ky shtim i sulmeve mbi pasurinë private lidhet me rritjen e numrit të bandave klriminele të ardhura nga vendet e Evropës Lindore.