Shqiptari me shitore aksesorësh në qendrën e re tregtare në Suhr

Bekimi dhe Florentina, në shitoren e tyre moderne "Keep Style Home" shesin mbulesa të shtretërve dhe aksesorë të tjerë. Është një biznes me perspektivë, kur shihet interesimi i madh i blerësve për këto produkte, thonë ata

Duke filluar nga 30 nëntori 2017 “Suhre-Park-Komplex”  ka hapur dyert në Suhr, Aarau. Hyrjet ishin stolisur të enjten në mënyrë festive për banorët e kësaj ane, të cilët do të kenë edhe një qendër tregtare.

Me pije dhe ëmbëlsira po i presin vizitorët edhe Florentina dhe Bekimi, të cilët po e hapin shitoren e tyre “Keep Style Home” në këtë kompleks tregtar në qendër të Suhrit.

Florentina ishte përkujdesur për çdo detaj në përzgjedhjen e gjerë të aksesorëve që do t`i japin një pamje më moderne shtëpisë suaj dhe do të rrisin rehatinë.
Përveç çarçafëve, këllëfëve dhe mbulesave, në shitoren “Keep Style Home” mund t`i zgjidhni po ashtu edhe produktet dekorative, produktet për banjën tuaj, freskuesit, peshqirët e kështu me radhë.

 “Kemi nuhatur se ka potencial në tregtinë me aksesorë”

Ky çift afaristësh merret prej 15 vitesh me tregti tekstili në Zvicër. Kishin filluar me rroba të femrave pastaj u lindi ideja të provojnë dhe me aksesorë.

“Ne kemi nuhatur se ka potencial në këtë drejtim ngase tani është bërë trend të zbukurohet edhe ambienti ku jetojmë” thotë Florentina Morina, e cila ka pothuaj gjashtë muaj që ka nisur përgatitjet për hapjen e sotme.

Para kësaj, çifti kishte një shitore tjetër në Aarau. Kjo është shitorja e dytë e tyre ndërsa një tjetër funksionon në Bernë.

“Nuk ka qenë dhe lehtë të sigurohet objekti në këtë qendër dhe mbase jemi shqiptarët e vetëm që kemi një shitore të këtillë. Çmimet e një meti katror kapin shumën deri 300 franga, paramendo shpenzimet tjera…”, thotë nga ana tjetër afaristi shqiptar, Bekim Morina.

Kualiteti është i një standardi të lartë, mbulesat e shtretërve importohen nga Portugalia ndërsa mbulesat e jorganëve, i sjellin ga Turqia.

Shqiptarët, të fokusuar pas mbulesave të shtretërve

Në raftet e shitores së shqiptarit me prejardhje nga Peja kanë zënë edhe produktet nga Kosova. “Janë disa batanije që vijnë nga fabrika e tekstilit e Prishtinës, `Teksto`.  Edhe shqiptarët kanë filluar të orientohen gjithnjë më shumë pas dekoreve. “Janë më shumë të fokusuar në mbulesa të shtretërve. Tashmë bëjnë ndërrimin e tyre duke ia përshtatur edhe sezonit, dimrit apo verës”, thotë Florentina, duke theksuar se produktet kanë çmime joshëse.
Florentina është kujdesur që të gjitha mbulesat që vijnë nga Turqia të përshtaten me standardin zviceran.

“Ata që blejnë njëherë te ne, do të blejnë gjithherë ngase këtu gjejnë kualitet”, thotë ajo.
Në hapje po merr pjesë edhe mysafiri nga Prishtina, Isa Ademaj. “Ishte kënaqësi të shihja shqiptarët në Zvicër të rrugëtojnë suksesshëm  me biznesin e tyre.

Këto arrihen me punë dhe përkushtim”, thotë  Demaj, i cili eksporton produkte tekstili nga Kosova në Zvicër. “Ne po bëjmë përpjekje që gjithkund nëpër Evropë të shihen produktet tona `Made in Kosova`”, thotë Ademaj.

Florentina dhe Bekimi, të dy me prejardhje nga Peja, jetojnë në Oberfelden të kantonit Aargau prej 27 vitesh.

“Shesin edhe batanije “Made in Kosova” 

Në hapje po merr pjesë edhe mysafiri nga Prishtina, Isa Ademaj. “Ishte kënaqësi të shihja shqiptarët në Zvicër të rrugëtojnë suksesshëm  me biznesin e tyre. Këto arrihen me punë dhe përkushtim”, thotë  Demaj, i cili eksporton produkte tekstili nga Kosova në Zvicër. “Ne po bëjmë përpjekje që gjithkund nëpër Evropë të shihen produktet tona `Made in Kosova`”, thotë Ademaj.

Publireportazh

---