Shqiptari dënohet me dhjet vjet burgim për vrasjen mizore të të fejuarës

Rexha e vrau të fejuarën e tij, që kishte vetëm tre muaj prej që bashkëjetonte me të, në janar të vitit 2016 në banesën e tij në veri të Londrës, duke i prerë pjesërisht kokën nga trupi

32-vjeçari shqiptar Arben Rexha është dënuar me 10 vjet burgim nga gjykata qendrore në Londër, pasi kishte vrarë të fejuarën e tij Elidona Demiraj, më 2016, pasi “ishte i obsesuar me virgjërinë e saj”.

Rexha e vrau të fejuarën e tij, që kishte vetëm tre muaj prej që bashkëjetonte me të, në janar të vitit 2016 në banesën e tij në veri të Londrës, duke i prerë pjesërisht kokën nga trupi dhe duke i shkaktuar rreth 27 plagë në pjesë të ndryshme.

Në procesin gjyqësor, sipas shtypit britanik, u tha se Arben Rexha ishte i obsesuar me virgjërinë e të fejuarës së tij dhe të kaluarën e saj, e cilësuar në proces si “gruaja e sjellshme dhe e respektuar nga të gjithë”.

Rexha e pranoi fajësinë për vrasje pa paramendim për shkak të gjendjes së tij të rënduar mendore.

Gjatë dhënies së dënimit, gjyqtari Richard Marks tha se “jam i mendimit se është tipar i personalitetit tuaj dhe jo sëmundjes fakti që jeni i prirur drejt posesivitetit ekstrem dhe xhelozisë”.

Siç shkruan “Top-Channel”, familjarët e viktimës kanë thënë se “vrasësi ek ishte izoluar vajzën tonë për tre muaj dhe nuk e lejonte të takohej me njerëz”.

Kjo nuk është vdekja e parë e një gruaje shqiptare në duart e burrave të tyre xheloz[ në Britani, por ky padyshim është dënimi më i ulët i dhënë për një vrasje, që siç u tha u cilësua pa paramendim për shkak të gjendjes së rënduar psiqike të autorit të saj.