Shqipëria do të nisë procedurat për përdorimin e teknologjisë 5G

Në vitin 2020 Shqipëria do të nisë procedurat për futjen në përdorim të teknologjisë 5G, e cila mundëson internet të shpejtë përmes telefonave celularë dhe apo pajisjeve të tjera të lëvizshme.

Aktualisht brezat e frekuencave 5G janë në përdorim nga subjekte të ndryshme, dhe për lirimin e këtyre frekuencave planifikohet të bëhet kompensim financiar.

Paratë do të merren nga licencat që do të shiten në ankand. Aktualisht në Shqipëri kompanitë celulare kanë në zbatim teknologjinë 4G, ndërkohë që është në zbatim e sipër një plan për stabilizimin e këtyre frekuencave në brezin e frekuencave që ishin në përdorim për transmetimet televizive analoge.

Qeveria dhe AKEP do të përcaktojnë numrin e licencave, vlerën minimale të tyre dhe afatin kohor të përdorimit të frekuencave, shkruan TCH, përcjell albinfo.ch.