Shqipëri
Shqipëri: Një milion turistë, në dy muajt e parë
Referuar statistikave, në dy muajt e parë të vitit Shqipëria është në rrugë të mbarë për të thyer rekordin e vitit të kaluar sa i përket numrit të turistëve, përcjell albinfo.ch.
Sipas të dhënave, deri në shkurt numri i turistëve arriti në 1 milion, me rritje 33% nga një vit më parë. Por, një nga kritikat kryesorë për turizmin ka qenë ardhja e turistëve me të ardhura të ulëta. Trendi po ndryshon, ndërsa shifrat tregojnë se gjithnjë e më shumë ka rritje të numrit për turistët nga Evropa Perëndimore, por edhe zona më e pasur e kontinentit, siç është Evropa Veriore, ku përfshihen edhe vendet skandinave, që kanë dhe pagat mesatare më të larta.
Shifrat tregojnë se në 2023-ën turistët nga Suedia, Norvegjia dhe Finlanda ishin 109 mijë, me rritje 76%. Përfaqësuesi i bizneseve nordike shprehet se skandinavët po gjejnë gjithnjë e më shumë interes te Shqipëria.
“Hapja e Shqipërisë është një mundësi e madhe për ta për të parë një vend ish-komunist që është transformuar në muajt e fundit, ndërkohë që natyra e virgjër është një nga elementët e veçantë ndryshe nga ata që shohin në Spanjë apo vende të tjera të zhvilluara. Është një vend i larmisë i veçantë, sepse është një vend i vogël dhe ofron një llojshmëri ngjyrash si dhe ofron një llojshmëri klimaterike ku distanca nga deti në mal është relativisht 2-3 orë”, tha Bujar Zhuri, përfaqësues i “Grupi i Bizneseve Nordike”.
Këtë vit numri i tyre jo vetëm për turizëm, por dhe investime pritet të ketë rritje të ndjeshme nga Skandinavia.
“Vendet që skandinavët kanë udhëtuar më së shumti në Evropë është Spanja, Greqia apo Turqia. Kohët e fundit Shqipëria është futur në listën e tyre dhe është prioritet për të vizituar Shqipërinë. Ka shumë artikuj, madje në një nga më të fundit ishte me titull “Harojeni Spanjën dhe Turqinë, por shikoni Shqipërinë”. Interesi jo vetëm, për turistë, por edhe si investitorë është mjaft i madh, pasi në Sarandë 600 norvegjezë kanë blerë shtëpitë e tyre”, tha Zhuri.
Shqipëria gjithashtu ishte mbajtësja e nderit në Panairin më të madh të turizmit në Berlin, ndërsa më herët promovimi nuk ka munguar as në konferencën e famshme botërore në Spanjë. Promovimi i Shqipërisë turistike nuk ka munguar as nga mediumet më të famshme evropiane.
Të tjera nga Shqipëri
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?