Shkatërrohet rrjeti i mashtruesve telefonikë, në mes të të arrestuarve, edhe shqiptarë

Në Gjermani autoritetet flasin për një një mashtrim që nuk kishte ndodhur kurrë më parë në këtë shkallë në Evropë

Hetuesit nga disa vende kanë zbuluar një rrjet mashtruesish telefonikë, të cilët thërrisnin mijëra njerëz çdo ditë në përpjekje për t`i mashtruar, gjegjësisht për të marrë para prej tyre.

Përveç Gjermanisë, në hetim u përfshinë edhe disa vende të Ballkanit dhe Libani, transmeton albinfo.ch. Policia ka bastisur 12 qendra telefonike (Call Center) në vende të ndryshme dhe ka arrestuar 21 persona. Në Gjermani autoritetet flasin për një një mashtrim që nuk kishte ndodhur kurrë më parë në këtë shkallë në Evropë, shkruan zeit.de. Që nga dhjetori janë regjistruar mbi 1 milion telefonata mashtruese.

Mashtruesit, zakonisht paraqiteshin si të afërm ose si punonjës policie.

Hetuesit, duke shkatërruar këtë rrjet kanë parandaluar dëme në rreth dhjetë milionë euro. në rreth 6,000 raste. Më 18 prill autoritetet policore dhe gjyqësore kombëtare dhe ndërkombëtare të disa vendeve kanë kryer kontrolle kundër rrjetit në fjalë, përcjell albinfo.ch. Kishte misione kontrolli në Shqipëri, Bosnjë e Hercegovinë, Serbi, Kosovë dhe Liban.

Operacionet u koordinuan nga një prokuror i autoritetit policor evropian, Europol, në Hagë, Holandë.

 

---