Shkalla e papunësisë në Zvicër, 1.9 për qind

Papunësia në Zvicër është më e ulëta në më shumë se 20 vjet

Në fund të tetorit, shkalla e papunësisë në Zvicër vazhdoi të ishte 1.9 për qind, më e ulëta që nga viti 2001, sipas Sekretariatit Shtetëror për Çështjet Ekonomike (SECO).

Edhe muaji shtator po ashtu ishte me këtë përqindje të njëjtë.

Shkalla ka mbetur e qëndrueshme pothuajse në të gjitha kantonet dhe praktikisht në të gjitha grupmoshat.

Për krahasim, shkalla e papunësisë në BE gjatë muajit tetor ishte 6 për qind.

Tregu i punës i Zvicrës, si dhe ekonomia në tërësi, janë rikthyer shumë më mirë se fqinjët e saj pas ngadalësimit të shkaktuar nga pandemia.

Referuar të dhënave, numri i të papunëve të regjistruar në Zyrat Rajonale të Punësimit ka rënë në 89.526, me një rënie prej mbi 1 mijë krahasuar me tetorin 2021. Është gjithashtu numri më i ulët që nga dhjetori 2001, ndërsa për normën ishte 1.7% në tetor të po këtij viti.

 

---