Lajme
Shembet Ura e Gurit në Vushtrri
Është rrëzuar në orët e para të ditës së sotme një pjesë e Urës së Vjetër të Gurit në Vushtrri
Moti i lig, me reshje shiu dhe bore, ka dëmtuar mbrëmë Urën e vjetër të Gurit në Vushtrri, njërin nga monumentet më të tjetra të trashëgimisë kulturore kosovare, e nderuar disa shekuj më parë. Sipas njoftimeve nga Komuna e Vushtrrisë, Urës i janë shembur disa nga gurët që kanë qenë në pjesën e epërme.
“Mbrëmë rreth orës 3 pas mesnate, nga pjesa e epërme anësore e urës, për të cilën historia thotë se është ndërtuar në kohën e Perandorisë Osmane apo edhe më herët në kohën e Perandorisë Romake, së bashku me bazën janë rrëzuar 36 blloqe të gurëve,” thuhet në njoftimin e komunës, citon kallxo.com
Sipas të njëjtit njoftim, pronarët e restorantit “Ura e Vjetër e Gurit”, i cili gjendet në hapësirat e afërta të këtij monumenti të trashëgimisë kulturore, kanë informuar të gjitha institucionet komunale dhe ato qendrore për rrënimin. Menjëherë në vendin e ngjarjes ka dal Policia e Kosovës, duke vendosur shirita policorë dhe krijuar perimetrin e sigurisë.
Ura e Vjetër e Gurit në Vushtrri është njëri nga objektet kosovare të trashëgimisë kulturore nën mbrojtje të përhershme, ndërsa sipas Ministrisë së Kulturës është ndërtuar në shekullin XIV. Ura kur u ndërtua shërbente për ta kaluar lumin Sitnica, por në shekullin XX ky lum devijon rrjedhën e tij duke e lënë Urën e Gurit një urë pa lum.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?