Shaqiri ‘sulmon’ Interin

Mesfushori kosovar, Xherdan Shaqiri në një intervistë për “Tageswoche” ka folur për skuadrën e tij aktuale, Stoke City, dhe pastaj për Interin dhe Bayern Munichun, shkruan albinfo.ch.

Shaqiri është shprehur se po kalon mirë në Stoke dhe nuk ka probleme. “Këtu jam përshtatur mirë dhe nuk kam probleme”, deklaroi në fillim ai, duke folur më pas për Interin.

“Ka qenë një përvojë e mirë për mua dhe kam mësuar si është jeta në Itali. Kam shtëpinë afër familjes. Por, e kisha të vështirë të adaptohem në Inter, pasi trajneri Roberto Mancini gjithmonë e ndryshonte formacionin. Në njërën ndeshje luante me një ekip në tjetrën me ekip tjetër.

Por, jam i kënaqur që aventura ime zgjati vetëm gjashtë muaj. Tani jam i qetë në Stoke”, theksoi Shaqiri, i cili gjatë verës u transferua nga Interi në Stoke. Përfaqësuesi i Zvicrës ka shtuar se ka pasur marrëdhënie të mira me trajnerin e Bayernit, Pep Guardiola.