Së shpejti do tu hiqen disa benificione  ish zyrtarëve

Kryetarja e Komisionit për Legjislacion, Albulena Haxhiu: " është e papranueshme që përveç ish zyrtarëve personalisht kanë përfitime e privilegje të mëdha edhe familjarët e  tyre"

Komisioni për Legjislacion pritet që së shpejti të nisë diskutimet për ndryshimin e pakos ligjore që ka të bëjë me për përfitimet e ish zyrtarëve të shtetit.

Kryetarja e Komisionit për Legjislacion, Albulena Haxhiu, ka thënë se ka ardhur koha të shkurtohen përfitimet e benificionet e ish zyrtarëve të lartë. Ajo ka thënë se është e papranueshme që përveç ish zyrtarëve personalisht kanë përfitime e privilegje të mëdha edhe familjarët e  tyre.

Visar Rushiti nga “Demokracia Plus” që edhe kanë bërë hulumtim për pozitat që kanë dhe nuk kanë përfitime në 7 vende të rajonit përfshirë edhe Kosovën, tha se veç Shqipëria ka një pozitë më shumë se Kosova për përfitime.

Aktualisht në Kosovë përfitime kanë 10 pozita të ish zyrtarëve shtetërorë. Ish presidenti, ish kryetari i Kuvendit, ish kryeministri, ish kryetari i Gjykatës Kushtetuese, ish Prokurori i Shtetit, ish kryetari i Gjykatës Supreme, ish drejtori i AKI-së ish ministrat, ish zëvendësministrat si dhe ish deputetët.