Kosova
Scholz i prerë: Zgjedhjet në veri dhe Asociacioni duhen bërë tani
Kancelari i Gjermanisë, Olaf Scholz, në një konferencë të përbashkët për media me homologun e tij nga Maqedonia e Veriut, Dimitar Kovaçevski, ka thënë se Kosova dhe Serbia duhet të bëjnë menjëherë hapa drejt implementimit të Marrëveshjes së Brukselit (27 shkurt) dhe Aneksit të Ohrit (18 mars), përcjell albinfo.ch.
“Ekziston një marrëveshje e propozuar dhe e negociuar nga dy vendet që pasqyron një kontratë që do të rregullojë bazat e marrëdhënieve dhe që tani duhet të vihet në jetë. Kjo përfshin një seri të tërë marrëveshjesh dhe ato tani duhet të zbatohen”, ka thënë Scholz.
Ai ka folur edhe për domosdoshmërinë e zgjedhjeve të reja lokale në katër komunat veriore të Kosovës të banuara me serbë etnikë – Zvecan, Leposaviq, Zubin Potok dhe Mitrovicë e Veriut – dhe themelimin e menjëhershëm të Asociacionit të Komunave me Shumicë Serbe në Kosovë.
“Nga këndvështrimi ynë, është e rëndësishme që të gjithë të kontribuojnë në shtensionim, që të mbahen sa më shpejt zgjedhjet në komunat serbe në Kosovë, që të ketë një pjesëmarrje të lartë dhe që të zgjedhurit të mos jenë vetëm formalisht aty, por që të jenë kryetarë legjitimë, që të zbatohet pjesa e marrëveshjes mbi Asociacionin e Komunave [me shumicë] Serbe. Kjo duhet bërë tani”, ka thënë Scholz.
Duke komentuar vargun e “masave ndëshkuese” që janë përgatitur nga Bashkimi Evropian ndaj Kosovës, për shkak të mospërfilljes së kërkesave të tyre nga kryeministri Albin Kurti për uljen e tensioneve në veri, kancelari gjerman tha se po bëjnë përpjekje që këtë ta kuptojnë të gjithë.
“Ne po bëjmë përpjekje që këtë ta kuptojnë të gjithë. Kjo vlen për Bashkimin Evropian dhe të ngarkuarin e Komisionit Evropian. Kjo vlen për Francën, Gjermaninë, Italinë dhe Shtetet e Bashkuara, të cilat janë të përfshira intensivisht në këtë proces”, ka deklaruar kancelari gjerman.
Në prag të Samitit të BE-së në Bruksel, ku do të flitet edhe për tensionet në Kosovë, ai ka shprehur optimizmin se në fund të procesit, të gjithë do të kenë sukses dhe të gjithë lojtarët në terren do të japin kontributin e tyre për, siç theksoi ai, fqinjësi të mirë mes të dy vendeve ballkanike.
E-Diaspora
-
Kurti sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë