Gruaja
Saranda, vajza që ua mëson djemve sekretet e futbollit
Si pasojë e disa lëndimeve në gju, ka vendosur të heqë dorë nga futbolli aktiv, ajo përmes “Freefox Soccer” mëton që “zanatin” e saj ta bartë tek të rinjtë që duan të zhyten në ujërat e futbollit
Me fanelën e djersitur të yllit të kombëtares së Kosovës, Milot Rashica, 10-vjeçari Endriti, po ndiqte dhe po zbatonte me përpikmëri udhëzimet e dhëna nga trajnerja e tij, në një seancë speciale stërvitore. Krahas stërvitjeve në klubin e tij, Endriti, për të përmirësuar performancën e tij në futboll, ishte bërë pjesë e “Freefox Soccer”, një shkollë futbolli me trajnere, futbollisten e njohur, Saranda Hashani.
Duke qenë se si pasojë e disa lëndimeve në gju, ka vendosur të heqë dorë nga futbolli aktiv, ajo përmes “Freefox Soccer” mëton që “zanatin” e saj ta bartë te të rinjtë që duan të zhyten në ujërat e futbollit.
“Futbolli është një lojë që na bashkon të gjithëve pa dallime, prandaj qëllim imi është që përvojën dhe njohurinë time të futbollit t`ua kalojë tashmë të tjerëve, ashtu siç bënë të tjerët dikur për mua”, thotë për albinfo.ch Saranda, pa u shpërqendruar nga puna me 3 djelmoshat që kishin orarin e tyre të ushtrimeve të dielën në mesditë. Dy nga ta ishin shqiptarë, e i treti zviceran, por për sa kohë ndiqnin urdhërat e saj, për tashmë trajneren Saranda, nuk çonte peshë, ata gëzonin të njëjtin trajtim.
Pas ushtrimeve të shumta, ngadalë erdhi fundi u seancës stërvitore. Por shkëputjen nga topi dhe fusha e gjelbër e kishin të vështirë që të tre, prandaj vazhdonin të gjuanin drejt portës së zbrazët.
Saranda, përmes Freefox Soccer, si trajnere personale, përgatit të rinj të grupmoshave të ndryshme, përfshirë këtu edhe ata më të vjetër se ajo.
Krahas shkollës së futbollit, që nga korriku, edhe pse vetëm 25 vjeçe, ajo pritet të marrë drejtimin e klubit të femrave të “FC Kloten”, që garon në Ligën e parë të Zvicrës.
Me një karrierë prej futbollisteje profesioniste, Saranda ishte pjesë e disa nga top klubet futbollistike zvicerane për femra, si: “Grasshopers”, “Zürich” dhe “Luzern”. E duke kaluar më pas edhe në dy klube në Bundesligën e dytë gjermane.
Pas ftesës dhe disa seancave stërvitore me kombëtaren zvicerane të femrave, ishte ftesa nga kombëtarja e Shqipërisë, së cilës nuk mundi t`i rezistonte, duke bartur me krenari fanelën e shqiponjave nga viti 2015 deri më 2020.
Ka luajtur edhe për Kombëtaren Shqiptare të futbollit
Me një karrierë prej futbollisteje profesioniste, Saranda ishte pjesë e disa nga top klubet futbollistike zvicerane për femra, si: “Grasshopers”, “Zürich” dhe “Luzern”, duke kaluar më pas edhe në dy klube në Bundesligën e dytë gjermane. Pas disa seancave stërvitore me kombëtaren zvicerane, ishte ftesa nga kombëtarja e Shqipërisë, së cilës nuk mundi t`i rezistonte. Kështu, ajo ka bartur me krenari fanelën e shqiponjave nga viti 2015 deri më 2020.
Nxënësit e saj, shqiptarë dhe zviceranë
“Futbolli është një lojë që na bashkon të gjithëve pa dallime, prandaj qëllim imi është që përvojën dhe njohurinë time të futbollit t`ua kaloj tashmë të tjerëve, ashtu siç bënë të tjerët dikur për mua”, thotë për albinfo.ch Saranda, pa u shpërqendruar nga puna me 3 djelmoshat që kishin orarin e tyre të ushtrimeve, të dielën në mesditë. Dy nga ta ishin shqiptarë, e i treti zviceran.
Të ngjashme
Të tjera nga Gruaja
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri