Samsung prezanton telefonin me kamerë të trefishtë

Galaxy A7 do të jetë në shitje në të gjitha tregjet e përzgjedhura evropiane dhe aziatike nga kjo vjeshtë, duke u zgjeruar më pas dhe në tregjet e tjera

Samsung ka lansuar Galaxy A7, telefonin e parë me kamerë të trefishtë. Kamera e trefishtë përbëhet nga tre lente të ndryshme: një lente me kënd të gjerë tetë megapiksel, një lente 24 mekapiksel dhe një lente thellësie që lejon kamerën të krijojë të ashtuquajturat fotot e “efektit bokeh”. Ky efekt bën të mundur fokuson një objekt dhe sfondi është i paqartë.

Galaxy A7 ka një ekran 6.0 inç dhe një sensor anësor me gjurmë gishtash. Samsung ka përdorur një strategji për t’u rritur shpejt në treg pasi është përballur me “sulmet” e kompanive si Huawei dhe Xiaomi, të cilët kanë sjellë pajisje më inovatike dhe çmime më të ulëta, shkruan ‘Scan’.

Në një intervistë me CNBC, drejtori ekzekutiv i Samsung, DJ Koh, tha se kompania ka në plan të përmirësojë strategjinë e saj të celularëve në pikën e çmimit mesatar duke përdorur teknologjinë e re në pajisjet e saj Galaxy A, përcjell albinfo.ch.

Pavarësisht strategjisë së përdorur nga Samsung, duhet thënë se ky nuk është telefoni i parë në botë me kamerë të trefishtë. Ka qenë Huawei kompania e parë që ka zbuluar P20 Pro, në fillim të këtij viti.

Galaxy A7 do të jetë në shitje në të gjitha tregjet e përzgjedhura evropiane dhe aziatike nga kjo vjeshtë, duke u zgjeruar më pas dhe në tregjet e tjera.

Asnjë çmim nuk është bërë i ditur për këtë telefon.

---