Sami Kurteshi: Mërgata s’ka nevojë për lëmoshë dhe privilegje

Deputeti i Lëvizjes Vetëvendosje, Sami Kurteshi në seancën e Kuvendit, ku u diskutua për rishikimin e buxhetit, ka kritikuar ekzekutivin kosovar se ka vazhduar të bëjë anashkalimin e diasporës kosovare, transmeton albinfo.ch.

“Buxhet i rishikuar është i shpërpushur. P.sh në të thuhet se promovimi i investimeve të huaja dhe roli i diasporës në zhvillimin ekonomik është një ndër prioritetet e Qeverisë së Kosovës. Natyrisht unë e marrë me mend se nuk mund të kërkohet angazhimi i mërgatës dhe mjeteve të saj për investime dhe zhvillim ekonomik të Kosovës vetëm duke i zhvatur ata financiarisht prej momentit kur hyjnë në pikëkalimet kufitare e deri kur dalin.

Mërgata jonë nuk ka nevojë për lëmosh dhe privilegje bile as për grante. Ajo ka nevojë për shtetin e së drejtës të mirëfilltë e për sigurimin shëndetësor të cilin që nuk e synon ky program, ka nevojë për siguri fizike, ekonomike e të kapitalit, të cilat ky program nuk i synon.

Kjo qeveri ende nuk ka filluar të sqarojë si të përmirësohet klima për investime të diasporës e kjo është çështja”, ka thënë Kurteshi.