Kosova
Sa vota i nevojiten një kandidati të bëhet deputet?
Nuk është lehtë të bëhesh deputet. Por, këtë post e synojnë hiç më pak se 1,067 kandidatë, të cilët po garojnë në zgjedhjet e 6 tetorit, të cilat do të mbahen në Kosovë. Secilit i duhen mijëra vota për të zënë vend në një nga ulëset e Kuvendit të Kosovës
Kuvendi i Kosovës ka gjithsej 120 ulëse, 100 për të cilat garohet dhe 20 ulëse, të cilat janë të rezervuara për komunitetet.
Fillimisht secila parti duhet ta kalojë pragun e vendosur 5% të numrit të përgjithshëm të votave të vlefshme, për të hyrë në Kuvend.
Ndërsa, sipas Eugen Cakollit, nga Instituti Demokratik i Kosovës, një subjekt politik, i cili ka fituar më shumë mandate dhe ka pasur një garë më të fuqishme brenda partisë, atëherë deputetëve të kësaj partie u duhen më shumë vota për të fituar ulëse.
“Një parti politike për të fituar ulëse në Kuvendin e Kosovës duhet t’i sigurojë të paktën 5% të numrit të përgjithshëm të votave të vlefshme dhe le të themi nëse një subjekt politik ka fituar më shumë mandate dhe ka pasur garë më të madhe brenda subjektit politik, atëherë automatikisht edhe deputetëve të listës në fjalë u nevojiten më shumë vota për të fituar mandatin”, thotë Cakolli për gazetën inFokus.
Se sa ulëse do të fitojë një parti në Kuvend, kjo varet nga numri i pjesëmarrjeve në zgjedhje. Dhe për këtë ekziston një formulë e thjeshtë.
Pra, numri i daljes përfundimtare në zgjedhje pjesëtohet me 100 dhe mësohet numri minimal i votave që duhen për të fituar një ulëse në Kuvend.
Sipas Fisnik Halimit, politolog, nëse u referohemi zgjedhjeve të kaluara, atëherë për kandidatet femra numri më i vogël i mundshëm ka qenë 6 mijë vota, ndërsa për kandidatët meshkuj numri i votave duhej të kalonte mbi 7 mijë.
“Numri më i vogël për të fituar një ulëse në Kuvend varet direkt prej daljes të votuesve në zgjedhje”, tregon Halimi.
Sipas tij, duke qenë se një votues mund të votojë deri në 5 kandidatë, mund të ketë ndonjë ndryshim, por që formula për këtë është e qartë.
“Rrjedhimisht numri i daljes ta pjesëtosh me 100 është numri i votave që duhet për një ulëse në Kuvend. Natyrisht duke pasur parasysh që ne kemi një sistem referencial të votimit, ku votuesi mund të votojë deri në pesë kandidatë, atëherë këto shifra edhe mund të ndryshojnë, por realja është që fiton ulëse në Kuvend sipas shifrës dalja e përgjithshme pjestuar për 100”, shpjegon Halimi.
Komisioni Qendror i Zgjedhjeve ka bërë të ditur se në zgjedhjet e parakohshme janë në garë gjithsej 1067 persona, prej tyre 343 femra dhe 724 meshkuj.
Ndërkaq, janë certifikuar 25 subjekte politike, prej tyre janë 20 parti politike, 4 koalicione dhe një kandidat i pavarur”.
Bazuar në listën përfundimtare të votuesve, numri i votuesve është 1,937,868, ndërsa KQZ-ja ka vendosur që të shtypen 1,801,800 fletëvotime, pra 136,068 apo 7.02 për qind fletëvotime më pak se votues, shkruajnë mediat kosovare, përcjell albinfo.ch.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Austri
-
“Haushaltsversicherung”: Si funksionon sigurimi i shtëpisë në Austri? “Haushaltsversicherung” është një nga llojet më të njohura të sigurimeve në Austri. Nuk është e detyrueshme,...
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme