Sa larg mund të shkojë Zvicra?

“ESPN” ka bërë një analizë edhe të Zvicrës në Grupin A të Kampionatit Evropian dhe gjasat e Zvicrës për të kaluar grupin janë të mëdha

Zvicra asnjëherë nuk ka arritur t’i kalojë grupet në Kampionate Evropiane, por kësaj radhe mund të jetë ndryshe, pasi kanë një gjeneratë me shumë talente. Kështu fillon shkrimi nga “ESPN” në vazhdën e analizave për Kampionatin Evropian, përcjell albinfo.ch.

Zvicra pësoi dy humbje nga Anglia, por më pas kishin kampanjë të mira dhe fitorja ndaj Sllovenisë 3:2, ishte një hap i madh drejt kualifikimit.

Helvetikët duhet të përfundojnë në vendin e dytë pas Francës, derisa në 1/8 e finales do të ndesheshin me Ukrainën ose Poloninë. Ata mund të arrijnë në çerekfinale, por vështirë se mund të kualifikohen tutje.

Futbollisti kyç është Xherdan Shaqiri, i lindur në Zhegër të Gjilanit. Ai shënoi katër gola në kualifikime dhe është futbollisti kryesor i kësaj Përfaqësuese. Në analizën e “ESPN” përmendet fakti se Granit Xhaka më 11 qershor mund të ndeshet kundër vëllait të tij, Taulantit i cili mbron ngjyrat e Shqipërisë.

Formacioni i mundshëm

(4-2-3-1); Yann Sommer; Stephan Lichtsteiner, Johan Djourou, Fabian Schar, Ricardo Rodriguez; Blerim Xhemaili, Valon Behrami, Xherdan Shaqiri, Granit Xhaka, Admir Mehmedi; Haris Seferoviq.