Rritje e madhe e fluturimeve në Kosovë në tremujorin e tretë të 2017-s

Për tre muajt e tretë të vitit numri i fluturimeve ishte 2384, ose 9.6 për qind më shumë se në tremujorin e tretë të vitit 2016

Aeroporti i Prishtines/Foto: Bujar GASHI

Numri i fluturimeve në Kosovë ka shënuar rritje prej 9.6 për qind në tremujorin e tretë të vitit 2017, në krahasim me tremujorin e tretë të vitit të shkuar.

Sipas Agjencisë së Statistikave të Kosovës, për tre muajt e tretë të vitit numri i fluturimeve ishte 2384, ose 9.6 për qind më shumë se në tremujorin e tretë të vitit 2016.

Sa i përket udhëtarëve, që kanë shfrytëzuar aeroplanin si mjet transporti për këtë tremujor është 645 mijë, që paraqet tremujorin më të suksesshëm. Në krahasim me tremujorin e tretë të vitit të kaluar, kjo paraqet rritje prej 11.2 për qind, shkruan Albinfo.ch.