Rritja ekonomike zvicerane, e diskutueshme

(KEYSTONE/Peter Klaunzer)

Edhe pse ekonomia zvicerane “e filloi vitin fuqishëm dhe çmimet e energjisë vazhdojnë të bien, presionet inflacioniste mbeten të larta ndërkombëtarisht dhe ka rreziqe të theksuara ekonomike”, sipas të dhënave të publikuara të enjten nga Zyra Federale e Statistikave (FSO), përcjell albinfo.ch.

Në këtë sfond, ekspertët parashikojnë një dobësim të ekonomisë së Zvicrës në muajt e mbetur të vitit 2023.

“Parashikimi bazohet në supozimin se nuk do të ketë mungesë energjie me humbje të gjera të prodhimit në dimrin 2023/24. Në të njëjtën kohë, çmimet e gazit dhe energjisë elektrike pritet të mbeten të larta sipas standardeve historike,” zbuloi FSO.

Gjithashtu në terma afatshkurtër duhet të priten norma inflacioni “krahasisht të larta” (për Zvicrën) prej 2.3 për qind.

Kjo do të thotë se çmimet e konsumit nuk do të ulen së shpejti.