Rriten shqetësimet mbi sigurinë e Tik Tok-ut

Pixabay

Platforma Tik Tok ka bërë që Kina dhe Shtetet e Bashkuara të Amerikës të thelojnë e kalojnë përplasjet në tjetër nivel. Kina ka akuzuar SHBA-të për përhapje të dezinformatave për shitjen e aksioneve të filialit amerikan të kompanisë, shkruan Zëri i Amerikës.

Sipas Ministrisë së Jashtme të Kinës, SHBA po përpiqet të kufizojë ndikimin e aplikacionit. TikTok sërish hodhi poshtë pretendimet se kompania e saj mëmë kineze, ByteDance, po ndan të dhënat e përdoruesve të aplikacionit të saj me qeverinë kineze dhe se po përhapë propagandë e po dezinformon, raporton Zëri i Amerikës, përcjellë Albinfo.ch.

Ministria vazhdon tutje me akuzat ndaj SHBA-së për përhapje të dezinformatave mbi rreziqet e sigurisë nga Tik Toku. Por, a janë të vërteta këto rreziqe?

FBI-ja edhe Komisioni Federal i Komunikimeve kanë paralajmëruar se ByteDance mund të ndajë të dhënat e përdoruesve të aplikacionit TikTok me qeverinë autoritare të Kinës, shkruan Zëri i Amerikës, përcjellë Albinfo.ch.

Shqetësimet rreth aplikacionit TikTok u rritën në dhjetor, pasi kompania ByteDance, tha se kishte pushuar katër punonjës, të cilët kishin hyrë tek të dhënat e dy gazetarëve të “Buzzfeed News” dhe “Financial Times”, në kuadër të hetimeve të kompanisë për të gjetur burimin e një raporti të rrjedhur në lidhje me vetë kompaninë, raporton Zëri i Amerikës, përcjellë Albinfo.ch.