Lajme
Rriten për 20 për qind çmimet e gazit në Evropë

Çmimet me shumicë të gazit britanik dhe danez u rritën ndjeshëm për shkak të mirëmbajtjes së paralajmëruar të gazsjellësit kryesor rus për në Evropë, ndërsa kapaciteti i magazinimit në Britani është pothuajse 100 për qind, në Evropën kontinentale pothuajse 77 për qind.
Çmimi i gazit danez u rrit të hënën me 47 euro ose gati 20 për qind, në 292 euro për megavat orë.
Gazi britanik për dërgesë të menjëhershme u rrit 138 peni ose 37 për qind, në 503 peni për njësi termike britanike dhe kontrata e ditës përpara fitoi 119 peni ose pothuajse një e treta, në 480 peni. Të dy çmimet janë më të lartat në pesë muajt e fundit.
Gazprom i Rusisë njoftoi se për tri ditë, deri në fund të muajit, do të ndërpresë furnizimin e gazit përmes Nord Stream 1, duke përmendur mirëmbajtjen si arsye, duke rritur kështu presionin ndaj Evropës, e cila po përpiqet të mbushë depozitat e gazit para dimrit.
“Një pauzë tre-ditore në furnizime do të ringjallë shqetësimet se Moska do të përdorë furnizimet me gaz si armë dhe mirëmbajtjen e tubacionit si një justifikim për të mos rivendosur rrjedhat e gazit”, paralajmëroi analisti i OANDA, Craig Erlam.
Eksportet e gazit nga Norvegjia në Britani pritet të bien për shkak të mbylljes së disa fushave të gazit, por fluksi i gazit në Evropën kontinentale është i qëndrueshëm.
“Mirëmbajtja e planifikuar e uzinës Kollssnes dhe fushës së gazit Troll deri në fund të gushtit, si dhe kërkesa e shtuar nga sektorët e banimit dhe energjisë në Britani dhe Evropën kontinentale po kontribuojnë gjithashtu në çmime më të larta”, tha Christos Anagnostopoulos, analist në Aurora Energy Research.
Por depozitat britanike të gazit tani janë pothuajse plotësisht të mbushura, ndërsa depozitat evropiane të gazit janë plot 76.9 për qind.
E-Diaspora
-
Burgim i përjetshëm për shqiptarin, ka vrarë bashkatdhetarin e tij Në shkurt të vitit 2024, personi tashmë i vrarë ia kishte kafshuar veshin e djathtë të...
-
Si mund të votojnë shqiptarët jashtë vendit për Shqipërinë në Eurovision 2025?
-
Nga Suedia, Rina Januzi nominohet në “Netët e Klipit Shqiptar 2025”
-
Dega e LDK-së në Zvicër shënoi 35-vjetorin e saj
-
Gjenevë: Anjeza Maqani diplomon me dy tituj në Universitetin Webster
Jeta në Austri
-
Pesë mënyra se si mund të kurseni para kur blini ushqim në Austri Nga pazaret e tregut te programet e besnikërisë së supermarketeve, ka shumë mënyra për t’i bërë...
-
Vjena sheh rritje 30% të rasteve të mbidozës së drogës tek adoleshentët
-
Gjërat që nuk mund t’i mbani në makinën tuaj në Austri
-
Austriakët arritën rekord prej 27.5 milionë udhëtime pushimesh
-
Domethënia e zgjedhjeve të Vjenës për të huajt, sezoni i alergjive dhe ngjarjet kryesore të javës në Austri