Ridon Jakupi kalon në fazën tjetër të “The Voice Kids”

Djaloshi shqiptar nga Kumanova, i cili jeton në Duisburg të Gjermanisë, me paraqitjen e tij në talent shoun “The Voice Kids” në Gjermani ka impresionuar jurinë dhe publikun.

13-vjeçari këndoi këngën „Shou me Love“ nga Sam Feldt feat. Robin Schulz. Më zërin e tij ai bindi jurinë e fshehtë (Blind Auditions), të cilët aprovuan menjëherë kalimin e tij në fazën tjetër.

Të tre anëtarët, duke e komplementuar Ridonin, u munduan ta joshin që të jetë pjesë e grupit të tyre. Anëtari i jurisë Sascha tha: “Ti djalosh, vetëm nëse vjen tek unë e ke adresën e duhur”. Lena u shpreh: “Ajo çfarë mua më habiti tek ti ishte që ti vetëm me 13 vjeç arrite ta kontrollosh aq bukur zërin”, ndërsa Mark Forster i bëri disa kritika, por gjithsesi edhe ai kishte dëshirë ta marrë në grupin e tij, njofton albinfo.ch.

Në fund Ridoni vendosi t’ i bashkohet grupit të këngëtares Lena Meyer, e cila në vitin 2010 ishte fituese e festivalit “Eurovision”.

Në fazat e ardhshme Ridonin e presin paraqitje dhe ballafaqime të ndryshme me kandidat të tjerë, por ai është i gatshëm për ta vazhduar me sukses këtë rrugëtim deri në finale.

Për ta dëgjuar paraqitjen e Ridonit, shikoni këtu:

http://www.sat1.at/tv/the-voice-kids/video/43-ridon-show-me-love-clip