Rexhep Berisha, 24 tonë ushqime për të prekurit nga tërmeti në Shqipëri

Ai, në koordinim edhe me Ambasadën e Shqipërisë në Bernë, dërgon një kamion të madh me ushqime dhe lëngje në Shqipëri

Rexhep Berisha është biznesmen i njohur dhe mjaft aktiv në komunitetin shqiptar të Zvicrës. Ai njihet më shumë si përfaqësues i “Birra Peja” në Zvicër dhe importuesi i parë i kësaj birre dhe prodhimeve të tjera nga Kosova në Zvicër. Po ashtu Berisha me familjen e tij është pronar i një restoranti të suksesshëm në Bazel, shkruan albinfo.ch.

Aktiv edhe në fusha të tjera, jashtë biznesit, Rexhep Berisha në vazhdimësi ka ofruar ndihma në Kosovë e gjetiu, ku ka pasur nevojë. Pas tërmeti që e goditi Shqipërinë, më së shumti nevojë për ndihma kishin dhe ende kanë njerëzit e prekur nga tërmeti. Për këtë arsye Rexhep Berisha vendosi të dërgonte ndihma atje.

Kështu, ai në koordinim edhe me Ambasadën e Shqipërisë në Bernë, dërgon një kamion të madh me ushqime dhe lëngje për në Shqipëri. Bëhet fjalë për një sasi prej 24 tonelatash që pritet të nisen nga Bazeli me një kamion të kompanisë “Sara Transporte AG”. Kjo kompani është pronë e shqiptarit nga Maqedonia, Hamdi Alijovi, i cili ka ofruar ta bëjë falas transportin deri në Shqipëri.

 

---