Refugjatët ukrainas ende mirëpriten në shumë shtëpi private zvicerane

Refugjate Ukraina Zvcër

Gjashtë muaj pas pushtimit rus, angazhimi i qytetarëve zviceranë që pranuan refugjatë ukrainas po rezulton më këmbëngulës se sa pritej, thuhet në një raport të medias, transmeton albinfo.ch.

Duke cituar një vlerësim të organit të shërbimeve sociale ndërkantonale, botimet Tamedia shkruajnë të hënën se rreth 60% – ose 40,000 – e të gjithë refugjatëve ukrainas të regjistruar në Zvicër janë ende të strehuar privatisht dhe vetëm 5-10% e tyre janë zhvendosur nga vera.

Disa nga 26 kantonet e kontaktuara nga gazeta, duke përfshirë Bazelin dhe Gjenevën, thanë se ishin të befasuar nga stabiliteti dhe këmbëngulja e angazhimit të qytetarëve, e cila shihej gjerësisht si një zgjidhje e përkohshme që do të zgjaste vetëm disa muaj.

Një ministër nga kantoni i Cyrihut – më i madhi i Zvicrës, dhe gjithashtu ai që pret më së shumti refugjatë ukrainas – tha tashmë muajin e kaluar se “shumë familje pritëse po i mbajnë njerëzit më gjatë se sa pritej”.

Drejtoresha i Këshillit Zviceran për Refugjatët u tha gazetave se “paniku [që angazhimi i shumë mikpritësve po zbehej] para pushimit veror ishte i ekzagjeruar”.

Sipas shifrave të fundit të publikuara të premten e kaluar nga Sekretariati Shtetëror për Migracionin, që nga fillimi i luftës në Zvicër janë regjistruar 62.941 refugjatë ukrainas; 60.793 prej tyre kanë marrë lejen S që i lejon të jetojnë dhe të punojnë në vend për të paktën një vit, transmeton tutje albinfo.ch.