Rama ndjek në stadium derbin gjerman

“Edhe pse jo ‘bayernist’ kam privilegjin të jem i ftuar nderi i Bayernit te Munichut. Faleminderit për respektin Karl-Heinz Rummenige!”, ishte mesazhi i tij në rrjetet sociale

Kryeministri shqiptar Edi Rama ka ndjekur ndeshjen në mes Bayern Munich dhe Bayer Leverkusenit në “Allianz Arena”, shkruan albinfo.ch.

Ka qenë kryeministri shqiptar ai që ka bërë të ditur nëpërmjet një postimi në rrjetet sociale se ishte një nga të ftuarit e nderit të kësaj sfide.

“Edhe pse jo ‘bayernist’ kam privilegjin të jem i ftuar nderi i Bayernit te Munichut. Faleminderit për respektin Karl-Heinz Rummenige!”, ishte mesazhi i tij në rrjetet sociale.

Bayerni e fitoi këtë ndeshje 2:1, derisa për Leverkusenin luajti edhe sulmuesi shqiptar nga Zvicra, Admir Mehmedi.

Kryeministri shqiptar njihet si një tifoz i flaktë italian dhe nuk ka ngurruar ta shpreh hapur këtë prirje të tijën në mbështetje të skuadrave italiane duke u shfaqur shpesh me veshje me logon e kombëtares italiane të futbollit.