Kosova

QKUK: Emergjenca, me numër rekord të pacientëve

E mërkurë, 24 Prill 2019 - 21:20 albinfo.ch

Klinika Emergjente në Qendrën Klinike Universitare të Kosovës njofton se në tre muajt e parë të vitit 2019 ka shënuar numër rekord të trajtimit të rasteve.

Sipas raportit të punës, gjatë kësaj kohe në Emergjencë kanë kërkuar ndihmë mjekësore më shumë se 18 mijë pacientë, që krahasuar me periudhën e njëjtë të vitit të kaluar ka një rritje prej rreth 7 mijë pacientëve, përcjell albinfo.ch.

“Numri i trajtimit të rasteve emergjente në QKUK është rritur, pas investimeve në Klinikën Emergjente nga Ministria e Shëndetësisë, për ofrim të shërbimeve më cilësore pacientit dhe kushte më të mira pune stafit mjekësor”, thuhet në njoftimin e QKUK-së.