Qeveria e Kosovës për rastin e Gramshit: Jemi në kontakt me autoritetet e Shqipërisë

"Ministria jonë e Mbrojtjes, është në kontakt me Ministrinë e Mbrojtjes së Republikës së Shqipërisë", thuhet në reagim.

Kryeministri Albin Kurti ka reaguar për incidentin në uzinën ushtarake në Gramsh të Shqipërisë, ku dy shtetas me pasaporta ruse dhe një ukrainase kanë tentuar të hyjnë mbrëmë.

Në reagimin e Qeverisë, kryeministri Kurti u ka uruar shërim të shpejtë dy ushtarakëve shqiptarë të lënduar nga sulmi me sprej neoparalizues, raporton Albinfo.ch.

“Ministria jonë e Mbrojtjes është në kontakt me Ministrinë e Mbrojtjes së Republikës së Shqipërisë. Urojmë që hetimet që po vijojnë nga autoritetet e Shqipërisë të zbardhin sa më shpejt rrethanat e ngjarjes”, thuhet në njoftim./Albinfo.ch

---