Integrimi

Push(t)imet verore, në 5137 metra lartësi

Njërën nga dy javët e pushimit verordeputeti Zari Xhaferi ia ka kushtuar pushtimit të Araratit, 5137 metra të lartë

E hënë, 8 Gusht 2011 - 10:07 albinfo.ch

Zari Xhaferi, deputeti i ri në Parlamentin e Kantonit të Zugut ka kaluar pushimet verore në një mënyrë shumë origjinale. Ai, bashkë me një ekspeditë në ditët rreth 20 korrikut ka pushtuar njërën ndër majat më të larta në regjionin e Azisë së Vogël, Araratin biblik.

Zariu ka një përvojë të mirë në alpinizëm, kështu që edhe ngjitjen në një maje kaq të lartë e ka kaluar pa vështirësi të theksuara.

Ai na kishte premtuar se do të na njoftonte lidhur me përjetimet e tij në këtë ndërmarrje jo shumë të zakonshme. Dhe, Zariu e ka mbajtur premtimin.

Siç na njofton në një kartolinë elektronike, deputeti, gazetari, arsimtari dhe alpinisti i pasionuar, njërën nga gjithsej dy javët e pushimit veror që i kishte për këtë vit, e ka shpenzuar në lartësitë e Araratit. Tri ditë në vetë majen e malit me këtë emër, që gjendet në Turqinë lindore, në afërsi rreth 20 km nga kufiri me Iranin.

Javën tjetër, ai e ka kaluar në vendlindje, në Gostivar, ku, siç thotë, është kënaqur në dasma, festa dhe gazmende familjare

Më poshtë, disa pamje nga ekspedita

© albinfo.ch: Pas një marshi prej tri orësh kemi hipur nga High Camp, 4230m deri në pikën më të lartë të Araratit që është 5137m. Në këto lartësi kemi perdorur syze diellli dhe kremë për tu mbrojtur nga rrezet e diellit (50). Kjo, me gjithë faktin se temperatura ishte -15 grad celsius…