Pulla postare “Shenjtërimi i Nënës Terezë”, më e bukura në botë

Në prani të përfaqësuesve ndërkombëtarë nga vende të ndryshme, çmimi për pullën më të bukur i është dorëzuar Kryeshefit Ekzekutiv, Sejdi Hoxha

Pulla postare “Shenjtërimi i Nënës Terezë”,  është zgjedhur  më e bukura në botë, e tematikës religjioze, nga juria Çmimi Ndërkombëtar i Arteve të Filatelisë “Saint Gabriel”.

Nga ceremonia

Në Verona të Italisë, të dielën, është mbajtur një ceremoni e veçantë për t’i ndarë këtë shpërblim Postës së Kosovës. Kjo pullë postare është lëshuar në qarkullim vitin e kaluar, në prag të shenjtërimit të Nënës Terezë nga Papa Françesku.

Në prani të përfaqësuesve ndërkombëtarë nga vende të ndryshme, çmimi për pullën më të bukur i është dorëzuar Kryeshefit Ekzekutiv, Sejdi Hoxha. Ai ka falënderuar jurinë ndërkombëtare dhe të gjithë të pranishmit, duke theksuar se ky çmim është një lajm i mirë jo vetëm për Postën e Kosovës, por edhe për të gjithë qytetarët e vendit tonë.

 “Ne jemi shumë krenarë për këtë shpërblim, ashtu siç jemi krenarë me Shën Terezën”, citohet të ketë thënë Hoxha.