Presidentja Osmani kërkon të nisë mësimi, thotë se interesi i fëmijëve është parësor

Pas shumë takimeve që kishte gjatë ditës së sotme lidhur ne grevën, presidentja Vjosa Osmani tha se interesi i nxënëse është parësor, prandaj ka kërkuar që mësimi të fillojë menjëherë.

Pas shumë takimeve që kishte gjatë ditës së sotme lidhur Me grevën, presidentja Vjosa Osmani tha se interesi i nxënëse është parësor, prandaj ka kërkuar që mësimi të fillojë menjëherë.

Osmani foli për takimet që kishte. “Sot gjatë tërë ditës kishim takime. Në radhë të parë me përfaqësuesit e Këshillit të Prindërve, Këshillit të Nxënësve, Koalicionin e Organizatave për Mbrojtjen e të Drejtave të Fëmijëve, BSPK-në, SBASHK-un, me bordin e Asociacionit të Komunave të Kosovës. Me të gjithë këta diskutuam për mundësitë për rifillimin e procesit mësimor nga e hëna e javës që vjen”, tha ajo.

Për më tepër, Osmani tha se përgjatë gjithë ditëve që kaluan vazhdimisht ka qenë në komunikim me Qeverinë e Kosovës, gjë që ka vazhduar edhe sot dhe do të vazhdojë edhe nesër dhe tutje lidhur me këtë çështje.

“Dua të theksoj se e drejta kushtetuese e fëmijëve në arsim nuk duhet të lejojmë asnjëri nga ne që të cenohet, por përkundrazi, duhet të bashkojmë forcat që të përmirësojmë cilësinë e sistemit tonë arsimor me nxënësit në qendër të vëmendjes”, theksoi presidentja.

Ajo tha se interesi i nxënësve, fëmijëve të këtij vendi, është parësor, ndaj mësimi duhet të fillojë menjëherë.

“Sot në takime me shoqatat e nxënësve dhe prindërve diskutuam për sfidat e shumta me të cilat fëmijët ballafaqohen në shkollat tona – që nga aspekti infrastrukturor, tek çështjet e sigurisë, cilësia e arsimit në shkolla e deri te ngacmimet seksuale dhe bulizmi – dukuri që janë prezente gjithnjë e më shumë. Kam garantuar si presidente që do të shtyj përpara adresimin e të gjitha këtyre çështjeve, duke pasur në qendër të vëmendjes fëmijët dhe nxënësit. Jam e përkushtuar maksimalisht për të gjetur një zgjidhje, në mënyrë që procesi mësimor të fillojë sa më parë që të jetë e mundur dhe që nxënësit të mos pësojnë më tutje, sepse është interesi i tyre që po dëmtohet pariparueshëm”, u shpreh ajo./Albinfo.ch

---