Presidentja Osmani kërkon reagim ndërkombëtar ndaj agresionit të Serbisë

EPA/TOMS KALNINS

Presidentja e Kosovës, Vjosa Osmani, ka reaguar ashpër pas një rasti ku, sipas saj, Serbia ka plagosur dhe më pas ka kidnapuar një qytetar serb që jeton në Kosovë, përcjell albinfo.ch.

Në një postim në rrjete sociale, Osmani e ka cilësuar ngjarjen si dëshmi të qasjes hegjemoniste të regjimit të Aleksandar Vuçiqit, duke theksuar se çdo qytetar që guxon të flasë të vërtetën për këtë regjim përballet me sulme dhe tortura.

“Serbia, e cila çdo ditë bën propagandë e dezinformata për të drejtat e serbëve në Kosovë, ka plagosur dhe më pas ka kidnapuar një qytetar serb të Kosovës. Kjo është edhe një dëshmi shtesë e qasjes së saj hegjemoniste, ku çdo qytetar që guxon të flasë të vërtetën rreth regjimit autokratik të Vuçiqit, sulmohet dhe torturohet në mënyrën më barbare,” ka shkruar Osmani.

Presidentja ka kërkuar reagim nga bota demokratike për të ndalur veprimet e Serbisë, të cilat, sipas saj, rrezikojnë paqen dhe stabilit.