Presidentja Osmani autorizon dërgimin e pjesëtarëve të FSK-së në Turqi

Pjesëtarët e Forcës së Sigurisë së Kosovës do të marrin pjesë në operacion ndërkombëtar humanitar në Turqi. Presidentja e Kosovës, Vjosa Osmani, tashmë ka nënshkruar autorizimin për të dërguar trupa të FSK-së në Turqi, e cila u godit nga tërmete të fuqishme të hënën, përfshirë një 7.8 ballë Rihter.

Zyra e Presidentes ka njoftuar se presidentja Osmank ka autorizuar dërgimin e trupave të FSK-së për t’i mbështetur përpjekjet e autoriteteve turke për tejkalimin e pasojave tragjike të tërmeteve të sotme, raporton Albinfo.ch.

“Presidentja e Republikës së Kosovës, Vjosa Osmani, në cilësinë e komandantes supreme, në pajtim me kompetencat saj kushtetuese, ka nënshkruar autorizimin për dërgimin e trupave të Forcës së Sigurisë së Kosovës në operacion ndërkombëtar humanitar në Republikën e Turqisë për t’i mbështetur përpjekjet e autoriteteve turke për tejkalimin e pasojave tragjike të tërmeteve të sotme. Presidentja Osmani ka shprehur solidaritet të plotë me popullin e Turqisë dhe ka deklaruar se Republika e Kosovës do të vazhdojë të ofrojë mbështetjen e nevojshme”, thuhet nga në njoftimin nga Presidenca./Albinfo.ch/