Policia parandalon kontrabandën me mallra në kufirin me Serbinë

Policia e Kosovës ka arritur të parandalojë raste të kontrandimit me mallra në kufirin me Serbinë gjatë ditës së djeshme, përcjell albinfo.ch.

Referuar të dhënave, i dyshuari, shtetas serb, kishte me vete vegla pune e ngjyra të ndryshme, pa e dëshmuar dokumentin e tyre.

Automjeti me mallin e kontrabanduar është dërguar në Terminalin Doganor në Mitrovicë për procedura të mëtutjeshme, ndërsa ndaj vozitësit janë ndërmarrë veprimet policore lidhur me kalim ilegal të kufirit.

Njoftimi i plotë:

Më 19.03.2023, rreth orës 18:50, derisa njësia policore ka qenë duke realizuar patrullim rutinor, kanë ndaluar një veturë me targa të huaja, të cilën ishte duke e drejtuar i dyshuari M.V. (1993), shtetas serb.

Policia e Kosovës kishte informacione paraprake për këtë automjet, si i dyshuar për aktivitete ilegale të kontrabandimit me mallra dhe gjatë kontrollimit të veturës është gjetur mall i kontrabanduar; vegla pune dhe ngjyra të ndryshme, për të cilat nuk është dëshmuar dokumenti mbi prejardhjen.

Automjeti me mallin e kontrabanduar është dërguar në Terminalin Doganor në Mitrovicë për procedura të mëtutjeshme, ndërsa ndaj vozitësit janë ndërmarrë veprimet policore lidhur me kalim ilegal të kufirit.